Óskemende joǵalǵan 10 jasar bala beınebaqylaý kameralary arqyly tabyldy
ÓSKEMEN. QazAqparat – Óskemen qalasynda joǵalyp ketken 10 jasar bala tabyldy, dep habarlaıdy QazAqparat tilshisi.
Qalalyq polıtsııa basqarmasy baspasóz qyzmetiniń málimetine súıensek, 5 sáýir kúni saǵat 16.50-de «102» jedel arnasyna jergilikti turǵyn qońyraý shaldy.
Óz sózinde ol 10 jasar ulynyń joǵalyp ketkenin jetkizgen.
Anasynyń aıtýynsha, balasy dalaǵa velosıped tebemin dep ketip, kózden tasa bolǵan. Áıel adam ózi tabýǵa tyrysqanymen esh nátıje shyqpady.
Sodan keıin ol polıtsııa qyzmetkerlerinen kómek suraǵan. Habar túsisimen polıtseıler dereý joǵalǵan balany izdeýge kiristi.
«Tártip saqshylary jaqyn mańdaǵy kósheler men aýlalardy muqııat aralap, kýágerler men ótip bara jatqan adamdarmen sóılesip, beınebaqylaý kameralaryn qarap shyqty. Nátıjesinde, jedel basqarý ortalyǵy kameralarynyń kómegimen bala kórshi aýlalardyń birinen tabyldy. Qazirgi ýaqytta oqýshy ata-anasyna jetkizildi», - dedi basqarma bastyǵy Andreı Mýla.
