Óskemende jylý tapshy bolsa da, irgedegi shaǵyn aýdannyń qazandyǵy tolyq paıdalanylmaı jatyr

ÓSKEMEN. KAZINFORM – Óskemen qalasynda jylý tapshylyǵy sezilip jatyr. Alaıda shetkeri shaǵyn aýdandardyń biriniń qazandyǵy tolyq qýatta paıdalanylmaı keledi. 

Өскеменде жылу тапшы болса да, іргедегі шағын ауданның қазандығы толық қуатта пайдаланылмай жатыр
Фото: Нелли Нигматуллина/Kazinform

Ablaketka shaǵyn aýdanyndaǵy №3 qazandyq 1982 jyly salynǵan. Onyń jalpy qýaty 57,2 Gkal/saǵ bolsa, qazir tek 17,4-i ǵana paıdalanylyp keledi. ıAǵnı, bul qazandyq aıtarlyqtaı az júktememen jumys istep tur. Al qala boıynsha jylý tapshylyǵy 260 gıgakalorııany quraıdy.

- Ablaketka - qala irgesindegi shaǵyn aýdan. Jelilerdi osy jaqqa tartý kóp shyǵyndy talap etedi. Sondyqtan jaqyn mańdaǵy jer úılerdi ortalyqtandyrylǵan jylý júıesine qosý áldeqaıda tıimdirek, - dep habarlady qalalyq TÚKSh bóliminen.

Dese de turǵyndardyń ózderi osy múmkindikti paıdalanýǵa asyǵar emes. Bir jaǵynan úılerdiń kóbi magıstraldyq jelilerden alys ornalasqandyqtan óz betterimen úılerge qubyr tartý olar úshin qymbatqa túsedi. Sondyqtan azamattar shyǵyndy azaıtý úshin kórshilerin kútip otyr.

Qala ákimdiginiń málimetinshe, Ablaketka shaǵyn aýdanyndaǵy №3 qazandyqtan №9 qazandyqqa deıin jylý jelisin tartý jobasy qarastyrylyp jatyr. Osylaısha, Shlıýznaıa kóshesindegi úıler №3 qazandyqqa kóshirilip, №9 qazandyq jylý ortalyǵyna aınalady. Bul júktemeni qaıta bólýge jáne resýrstardy paıdalaný tıimdiligin arttyrýǵa múmkindik bermek.

- Jylý jelisi jobasy 2024 jyly iske asyryla bastady. Biraq túzetýler engizý úshin ýaqytsha toqtatylǵan. Áli de onyń egjeı-tegjeıin zertteý qajet. Naqty aıtqanda, qazandyqqa qansha úıdiń qosyla alatyndyǵyn, turǵyndarǵa qandaı qoldaý sharalaryn usynýǵa bolatyndyǵyn jáne mundaı qadam qanshalyqty nátıje beretindigin anyqtaý kerek, - delingen aqparatta.

Eske salsaq, buǵan deıin astanalyqtardyń jylý tarıfin ústeme baǵamen tólep kelgeni habarlanǵan. 

Сейчас читают