Óskemende jylý qashan óshedi

ÓSKEMEN. KAZINFORM – Óskemen qalasynda bıyl jylytý maýsymynyń kezeń-kezeńimen aıaqtalýy ádettegiden erterek bastalýy múmkin.

Qala ákimdiginiń málimetine súıensek, jylýdyń óshiriletin naqty kúni aýa raıy jaǵdaıyna baılanysty. Ázirge 14-21 sáýir aralyǵyna josparlanyp otyr. 

- Aýa temperatýrasy turaqty túrde jyly bolǵan kezde normatıvtik qujattarǵa sáıkes jylý óshiriledi. Birinshi kezekte áleýmettik ınfraqurylymdarǵa qatysy joq nysandarǵa jylý berý toqtatylady, - delingen aqparatta. 

Al óskemendikter áleýmettik jelide úıleriniń tym ysyp ketkendigin jazyp jatyr. 

- Úıde dem alý múmkin emes. Terezelerdi ashyp qoısaq ta paıda joq, - dep jazady áleýmettik jeli qoldanýshylary.

Sınoptıkterdiń boljamynsha, aldaǵy kúnderi óńirde aýa temperatýrasy +26 gradýsqa deıin kóteriledi dep kútilip otyr.

Eske salsaq, Óskemende poıyz ben avtobýs soqtyǵysa jazdaǵanyn jazǵanbyz.