Óskemende jylý baǵasy ózgerdi
ÓSKEMEN. KAZINFORM – Óskemen qalasynda jylý baǵasy qymbattady.
Baǵanyń ózgerýine tarıfterdiń ósýi emes, qosylǵan qun salyǵynyń 12-den 16 paıyzǵa deıin kóterilýi sebep bolyp otyr.
«Shyǵys Jylý» AQ málimetine súıensek, esepteý quraldary ornatylǵan úılerdiń turǵyndary ár gıgakalorıı úshin 4 224,48 teńge tóleıdi.
– Al esepteý quraldary joq úılerdiń ıeleri bir gıgakalorıı úshin 5 935,62 teńge tóleıdi. Eseptegishterdi ornatý múmkin emes úılerde jylý baǵasy QQS-ny qosa alǵanda, bir gıgakalorıı úshin 4 946,34 teńgeni quraıdy. Bıýdjettik uıymdar úshin tólem esepteý quraldary ornatylǵan bolsa 33 704,45 teńge/Gkal, ornatylmaǵan bolsa 51 580,33 teńge/Gkal qurap otyr, - delingen aqparatta.
Eske salsaq, osyǵan deıin aqtaýlyqtar qaqaǵan qysta jylýdyń joqtyǵyna shaǵymdanǵany habarlanǵan.