Óskemende jylytý maýsymy 5 qazanda bastalmaq
ÓSKEMEN. KAZINFORM — Óskemen qalasynda jylytý maýsymy 5 qazanda bastalady dep josparlanyp otyr.
ShQO Energetıka jáne turǵyn úı-kommýnaldyq sharýashylyq basqarmasynyń málimetine súıensek, óńir boıynsha 44,7 shaqyrym jylý jelileri jańǵyrtylyp jatyr. Bul tozý deńgeıin 3,5%-ǵa tómendetýge múmkindik beredi.
— Qazirgi ýaqytta jylý elektr ortalyqtarynyń daıyndyǵy 98%, onyń ishinde qazandyqtar 99%, týrboagregattar 97% quraıdy. 737 shaqyrym elektr jelilerinde, 49 qosalqy stantsııada jáne 91 transformatorlyq qosalqy stantsııalarda josparlanǵan kúrdeli jóndeý jumystary tolyq kólemde aıaqtaldy, — delingen aqparatta.
Oblys tuıyqtarynda 13,4 myń tonna kómir bar. Jylý kózderi úshin 650 myń tonna kómir jetkizilgen.
— Glýbokoe, Altaı jáne Katonqaraǵaı aýdandarynda jylytý maýsymy 1 qazanda bastalady dep kútilýde. Al Óskemen qalasynda, Zaısan, Kúrshim, Ulan, Marqakól, Úlken Naryn jáne Shemonaıha aýdandarynda maýsymdy 5 qazannan bastaý josparlanǵan, — delingen habarlamada.
Eske salsaq, osyǵan deıin SQO-da jylytý maýsymy bastalǵany habarlanǵan.
