Óskemende jyl basynan beri 1,5 tonnaǵa jýyq zańsyz alkogol tárkilendi
ÓSKEMEN. KAZINFORM – Óskemende polıtseıler spırt qosylǵan ónimdi zańsyz satý faktisiniń jolyn kesti. Zańsyz aınalymnan qujattary joq bes lıtrlik 43 ydystaǵy ónim tárkilendi.
7 shildede «102» jedel arnasyna Óskemen kósheleriniń birinde qoldan jasalǵan spırt qosylǵan suıyqtyqty satý týraly habarlama túsken. Tekserý barysynda polıtsııa qyzmetkerleri 215 lıtr suıyqtyqty anyqtap, tárkiledi.
— Qala turǵyny tıisti tirkeýsiz jáne ruqsatsyz kásipkerlik qyzmetpen aınalysqany úshin ákimshilik jaýapkershilikke tartyldy. Quqyq buzýshyǵa 15 AEK kóleminde aıyppul salyndy. Tárkilengen zattyń quramyn dál anyqtaý jáne tutynýshylar úshin qaýipsizdik dárejesin belgileý maqsatynda sot-saraptamalyq zertteý taǵaıyndaldy. Saraptama nátıjeleri alynǵannan keıin jınaqtalǵan materıaldar protsessýaldyq sheshim qabyldaý úshin sotqa joldanady, — dep habarlady Shyǵys Qazaqstan oblysy polıtsııa departamentinen.
Osy jyldyń basynan beri Óskemende spırt qosylǵan ónimderdi satýǵa qatysty zańsyz kásipkerlik qyzmettiń 57 faktisi anyqtaldy. Zańsyz aınalymnan bir jarym tonnaǵa jýyq alkogol jáne spırt qosylǵan ónim tárkilendi.
Eske salaıyq, osyǵan deıin Jambyl oblysynda kóligine 8,5 keli marıhýana jasyrǵan kúdikti ustalǵany habarlanǵanbyz.
