Óskemende jer úıde órt shyǵyp, 2 gaz ballony jaryldy
ShQO Tótenshe jaǵdaılar departamenti baspasóz qyzmetiniń málimetine súıensek, oqıǵa 25 tamyzda tańǵy saǵat 9.00 shamasynda Sırenevaıa kóshesinde bolǵan.
Jeke turǵyn úıde órt shyqqany týraly habar túsken soń qutqarýshylar shuǵyl attanǵan. Olar jetkenge deıin 2 gaz ballony jarylǵan. Biri úıdiń kireberisinde, ekinshisi shatyrynda bolǵan.
«Úı ıeleri áýeli órtti óz betimen óshirýge talpynǵan. Nátıje bolmaǵannan qutqarýshylarǵa qońyraý shalǵan. Mine, osynyń saldarynan qyzyl jalyn 100 sharshy metr alańǵa lezde jaıylyp ketti. Úı ishinde bolǵan áıel men onyń eki eresek uly terezeden syrtqa shyǵyp úlgerdi. Olardyń densaýlyǵyna eshqandaı zalal kelgen joq», - deıdi departamenttiń baspasóz hatshysy Marına Lıskova agenttik tilshisine.
Kóp uzamaı qyzyl jalyn tolyqtaı aýyzdyqtaldy. Órtti óshirýge 4 tehnıka men jeke quramnan 14 adam jumyldyrylǵan. Qazirgi ýaqytta ottyń shyǵý sebebi anyqtalyp jatyr.
Osyǵan deıin ShQO-da turmysy tómen 2700-den astam otbasynda úıdiń jylytý maýsymyna daıyndyǵy tekserilgenin habarlaǵan edik.
