Óskemende jeńil atletıkadan halyqaralyq týrnır ótedi

ÓSKEMEN.KAZINFORM - Óskemen qalasynda Olımpıada chempıony Olga Rypakovanyń júldesi úshin jeńil atletıkadan iri halyqaralyq týrnır ótedi.

QR UOK málimetinshe, atalǵan jarys World Athletics Indoor Tour serııasynyń Silver sanatyndaǵy kezeńge jatady. 

Saıysta júgirý túrlerimen qatar tehnıkalyq dıstsıplınalar boıynsha da medaldar sarapqa salynady.

Týrnırde kórsetilgen nátıjeler World Athletics-tiń álemdik reıtıngine esepke alynady.

Jarys 14 aqpanda Óskemendegi Olga Rypakova atyndaǵy jeńil atletıka ortalyǵynda ótedi. Kirý - tegin.

Aıta keteıik, Aýstralııa ashyq chempıonatynyń fınalyna shyqqannan keıin qazaqstandyq tennısshi Elena Rybakına dúısenbide jańartylatyn álemdik reıtıngide úshinshi orynǵa kóteriledi.