Óskemende jeńil kólik pen tramvaı soqtyǵysty
ÓSKEMEN. QazAqparat – Óskemen qalasynda tramvaıǵa soǵylǵan kólik 10 metrge keri serpildi, dep habarlaıdy QazAqparat tilshisi.
Jol-kólik oqıǵasy 19 qazanda keshki saǵat 18.00 shamasynda bolǵan. Jol apaty saldarynan qoǵamdyq kólik qozǵalysy 1 saǵatqa jýyq shekteldi.
«ıÝbıleınyı kınoteatry» aıaldamasynyń mańynda kólik tizgindep kele jatqan áıel adam shetki joldan negizgige shyǵa bergende tramvaıǵa jol bermegen. Sóıtip, ol №3 tramvaıǵa soqtyǵysty. Soqqy saldarynan jeńil kólik 10 metrge keri serpilgen», - delingen Óskemen kólik kompanııasy taratqan málimette.
Oqys oqıǵadan zardap shekken eshkim joq. Júrgizýshige qatysty polıtsııa qyzmetkerleri ákimshilik hattama toltyrǵan.
