Óskemende jeńil atletıkadan Qazaqstan chempıonaty bastaldy
ÓSKEMEN. QazAqparat - Búgin Óskemen qalasynda jeńil atletıkadan jabyq ǵımarattaǵy Qazaqstan chempıonaty bastaldy, dep habarlaıdy QazAqparat.
QR Ulttyq Olımpıadalyq komıtetiniń málimetinshe, týrnırge jeńil atletıkadan el úzdikteriniń basym bóligi qatysady. Tańerteńgi jarys baǵdarlamasynda 60 jáne 400 metrge júgirýden irikteý aınalymy ótip, kópsaıys bastaldy. Keshki baǵdarlamada birneshe qashyqtyq boıynsha fınaldyq jarys ótedi.
Qazaqstan chempıonaty 18 qańtarda aıaqtalady.
