Óskemende jel soqpaı, kóshelerdi tútin basyp turǵanyna búgin tórtinshi kún

ÓSKEMEN. KAZINFORM – Óskemen qalasynda 23 qarashadan beri qolaısyz meteorologııalyq jaǵdaı qalyptasyp tur.

Qalada búgin jel soqpaı turǵanyna tórtinshi kún boldy. Qolaısyz meteorologııalyq jaǵdaıdan kóshelerdi tútin tumshalap alǵan. Ásirese, tańerteń jumysqa bara jatqanda halyq qoıý tútinniń qolaısyzdyq týdyrǵanyn aıtyp jatyr.

«Qazgıdromet» RMK málimetine súıensek, QMJ áli de sozylady. Naqty aıtqanda, 26 jeltoqsan saǵat 20.00-ge deıin ekinshi dárejeli qolaısyz meteorologııalyq jaǵdaı qalyptasady. Al odan sońǵy boljam keshke qaraı jarııalanbaq.

ShQO Sanıtarlyq epıdemıologııalyq baqylaý departamentiniń habarlaýynsha, osyndaı kezde turǵyndarǵa dalada uzaq júrmeı, páterdegi terezeler men jeldetkishterdi jaýyp, qaınatylǵan, tazartylǵan nemese gazsyz mıneraldy sý men sháıdy jıi ishý usynylady.

Eske salsaq, qarasha aıynda Óskemende halyq tunshyǵyp, al sarapshylar aýa sapasynyń monıtorıngi sylbyr júrgiziletinin synaǵan bolatyn.