Óskemende jeksenbi kúni saıajaılarǵa baratyn avtobýstar qatynaıtyn bolady
ÓSKEMEN. QazAqparat – Óskemen qalasynda jeksenbi kúni saıajaılarǵa baratyn avtobýstar qatynaıtyn bolady, dep habarlaıdy QazAqparat tilshisi.
Esterińizge sala ketsek, osyǵan deıin Óskemende demalys kúnderi qoǵamdyq kólik júrmeıtindigi týraly habarlanǵan bolatyn. Bul shahar boıynsha koronavırýs juqtyrý faktileriniń kóbeıip ketkendigine baılanysty qabyldanǵan shara.
Dese de jeksenbi kúni turǵyndarǵa saıajaılaryna avtobýspen jetýge múmkindik bar. Bul jaıly qalalyq Jolaýshylar tasymalyn basqarý ortalyǵynyń dırektory Ábı Álmenbetov málim etti.
«Saıajaılarǵa qatynaıtyn № 4a, 7a, 13a, 25a, 53, 54, 351, 352, 356, 357 jáne 417 baǵytyndaǵy avtobýstar jeksenbi kúni saǵat 14.00 -den 20.00 -ge deıin jumys isteıdi. Osylaısha, azamattar óz saıajaılaryna qaraı juma kúni ketip, jeksenbide qalaǵa qaıtyp kele alady», - dedi ol.
