Óskemende jedel járdem qyzmetkerleri júregi toqtap qalǵan 81 jastaǵy ájeni aman alyp qaldy

ÓSKEMEN. QazAqparat – Óskemen qalasynda jedel járdem qyzmetkerleri júregi toqtap qalǵan 81 jastaǵy ájeni aman alyp qaldy, dep habarlaıdy QazAqparat tilshisi.

ShQO Densaýlyq saqtaý basqarmasynyń málimetine súıensek, «103» jedel arnasy qońyraý shalǵan áıel anasynyń ózin jaısyz sezinip turǵanyn aıtqan. Birden sol jerge jedel járdem qyzmetkerleri jolǵa shyqty.

«Feldsherler Erasyl Altaıuly men Tilegen Tólepbergenov úıge 10 mınýt ishinde kelip jetti. Tekserý kezinde 81 jastaǵy ájeniń jaǵdaıy kenetten nasharlap, júregi toqtap qalǵan», - delingen aqparatta.

Sol kezde jedel járdem qyzmetkerleri shuǵyl túrde júrek-ókpe reanımatsııasyn jasady. Abyroı bolǵanda, sodan keıin ájeniń júregi qaıta soǵyp, tynys ala bastady.

Aýrýhanaǵa jetkizilgen soń qart kisiniń jaǵdaıy ońala bastady. Qazir onyń kóńil-kúıi jaqsy.