Óskemende jedel járdem qyzmetkerleri jol apatyna tústi

ÓSKEMEN. QazAqparat – Óskemen qalasynda jol apatyna túsken jedel járdem qyzmetkerleri jaraqat aldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy qaladaǵy Nazarbaev dańǵylynda bolǵan.

«Lada 21144 kóliginiń júrgizýshisi dymqyl asfalttan rýlge ıe bola almaı qalyp, qarsy baǵytqa shyǵyp ketken. Sonyń saldarynan ol jedel járdem kóligine soǵyldy», - delingen aqparatta.

Polıtsııa qyzmetkerleri jeńil kólik júrgizýshisine qatysty ákimshilik hattama toltyrdy.

Oblystyq Densaýlyq saqtaý basqarmasynyń málimetinshe, jol apatynan zardap shekken jedel járdem qyzmetkerlerine medıtsınalyq kómek kórsetilgen.