Óskemende jaıaý júrginshiler jolaǵynda 19 jasar qyzdy qaǵyp ketip, mert qyldy
ÓSKEMEN. QazAqparat - Óskemende sol jaǵalaýdaǵy dańǵylda rettelmeıtin jaıaý júrginshiler jolaǵynyń qıylysynda túnde avtomobıl júrgizýshisi 19 jastaǵy qyzdy qaǵyp ketti, dep habarlaıdy «QazAqparat» HAA tilshisi.
Soqqy qatty bolǵandyqtan, boıjetken sol jerde qaza tapqan. 25 jastaǵy «Toyota Aristo» avtomobıliniń júrgizýshisin polıtsııa ustady, QR QK 345-baby boıynsha sotqa deıingi tergeý jumystary bastaldy, dep habarlady oblystyq ishki ister departamentiniń baspasóz qyzmeti.
Sondaı-aq, shaǵynaýdan turǵyndary áleýmettik jelilerde sol jaǵalaýdaǵy dańǵylda túngge qaraı jelikpe júrgizýshilerdiń naǵyz jarys uıymdastyratynyn jazyp jatyr.
