Óskemende jastar arasynda shahmattan Qazaqstan chempıonaty ótedi
ASTANA. QazAqparat - Bıyl 16-26 naýryz aralyǵynda Óskemen qalasynda 20 jasqa deıingi uldar men qyzdar arasynda shahmattan Qazaqstan chempıonaty ótedi, dep habarlaıdy QazAqparat Qazaqstannyń Shahmat federatsııasyna silteme jasap.
Jas shahmatshylar 17-23 naýryz aralyǵynda klassıkalyq shahmat, 24-25 naýryz kúnderi rapıd, al 26 naýryzda blıts boıynsha baq synaıdy.
Týrnırge 20 jasqa deıingiler arasynda 2018 jylǵy Qazaqstan chempıondary, oblystar men respýblıkalyq mańyzy bar qalalardyń 2019 jylǵy chempıondary, sondaı-aq 2019 jylǵy 1 aqpandaǵy málimet boıynsha ELO halyqaralyq reıtınginde kem degende 2000 upaıǵa ıe shahmatshylar qatysady.
Týrnırdiń júlde qory - 600 myń teńge.
Aıta keteıik, klassıkalyq shahmat boıynsha jeńimpaz atanǵandar respýblıkalyq chempıonattyń fınalyna jáne 20 jasqa deıingiler arasyndaǵy jeke Álem chempıonatyna qatysý múmkindigin alady. Al ekinshi orynmen shektelgenderge jeke Azııa chempıonatyna joldama beriledi.
