Óskemende jasóspirimder arasyndaǵy qylmys azaıdy
ÓSKEMEN. QazAqparat – Óskemen qalasynda bıyl jasóspirimder arasyndaǵy qylmys birshama azaıǵan, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetine súıensek, bıyl jasóspirimder arasyndaǵy qylmys ótken jylǵy kezeńmen salystyrǵanda 27 paıyzǵa tómendedi. Naqty aıtqanda, jyl basynan beri shahar boıynsha 21 qylmys tirkelgen.
Zańbuzýshylyqtyń eń kóp taraǵan túri - urlyq (9 fakti) jáne alaıaqtyq (5). Sondaı-aq bozbalalar arasynda buzaqylyq jáne dene jaraqatyn keltirý faktileri boldy.
«Qylmysqa barǵan 17 bala Óskemende turady. Al qalǵandary oblystyń basqa aýdandarynan kelgen. Sondaı-aq olardyń ishindegi 6 jasóspirim buǵan deıin de ıývenaldy polıtsııa esebinde turǵan», - dedi Óskemen qalalyq PB bastyǵynyń orynbasary Oral Ryspaev.
