Óskemende jarty mln teńgeniń tehnıkasyn urlaǵan adam qamaýǵa alyndy
ÓSKEMEN. QazAqparat – Óskemen qalasynyń turǵyny jarty mıllıon teńgeniń tehnıkasyn urlap ketken, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, «102» jedel arnasyna qońyraý shalǵan 31 jastaǵy er adam qaladaǵy saýda úıleriniń biriniń astyńǵy qabatynda ornalasqan jalǵa alynǵan úı-jaıdan belgisiz bireýlerdiń júıelik protsessor men kompıýter pernetaqtasyn urlap ketkenin habarlady.
Osylaısha kelgen materıaldyq shyǵynnyń jalpy mólsheri 454 500 teńgeni quraǵan.
«Jedel izdestirý sharalaryn júrgizgen krımınaldyq polıtsııa qyzmetkerleri 25 jastaǵy shahar turǵynyn ustady. Ol óz kinásin moıyndap otyr»,- dedi ShQO PD bastyǵy Saǵat Mádıev.
Qazirgi ýaqytta atalǵan fakti boıynsha QR QK 188-baby 1-bóligine sáıkes sotqa deıingi tergeý amaldary júrgizilip jatyr.
