Óskemende jaralystan zardap shekken kásiporyn jumysshylarynyń qazirgi jaǵdaıy qalaı
ÓSKEMEN. KAZINFORM — Óskemen qalasynda jaralystan zardap shekken «Kaztsınk» JShS jumysshylarynyń qazirgi jaǵdaıy belgili boldy.
ShQO Densaýlyq saqtaý basqarmasynyń málimetine súıensek, jarylys saldarynan eki adam qaza bolyp, taǵy bes jumysshy túrli dárejedegi jaraqat alǵan.
— Búgin saǵat 8:30–da jedel járdem qyzmetkerlerine zardap shekken birneshe adamdy aýrýhanaǵa alyp kele jatqany týraly habar tústi. Biz birden medıtsınalyq brıgadany jasaqtadyq. Saǵat 8:45–ten bastap naýqastar túse bastady. Barlyǵy 5 adam jetkizildi. Onyń ishinde tórteýi er adam, bireýi áıel, — deıdi oblystyq mamandandyrylǵan medıtsınalyq ortalyqtyń bas dárigeriniń mindetin atqarýshy Murat Nurbıkenov.
Úsh adam jeńil deńgeıdegi dene jaraqatyn alǵan. Medıtsınalyq kómek kórsetilgennen keıin olar úılerine jiberildi.
— Eki adam aýrýhanaǵa jatqyzyldy. 1980 jyly týǵan er adam jansaqtaý bóliminde óte aýyr jaǵdaıda jatyr. Onyń denesiniń 90 paıyzdan astamyn kúıik shalǵan, tynys alý joldary zaqymdanǵan. Al 1974 jylǵy taǵy bir er adamǵa omyrtqanyń bel bóliginiń kompressııalyq synýy dıagnozy qoıyldy, — deıdi M.Nurbıkenov.
Eske salsaq, osyǵan deıin «Qaztsınk» kásipornyndaǵy jarylysqa baılanysty jedel jeli iske qosylǵany habarlanǵan.
