Óskemende janarmaı quıý beketinde zardap shekken adam kóz jumdy
ÓSKEMEN. QazAqparat - Búgin tańerteń aýrýhanada Óskemendegi janarmaı quıý beketinde kúıik shalǵan benzın tasymaldaýshy kóliktiń júrgizýshisi, 28 jastaǵy Evgenıı Devıatov qaıtys boldy, dep habarlaıdy «QazAqparat» HAA tilshisi.
Buryn habarlanǵandaı, 6 qyrkúıek kúni qaladaǵy Abaı kóshesinde ornalasqan janarmaı quıý beketinde benzın quıý barysynda benzın býy shyǵyp, jarylys bolǵan edi. Denesiniń 70 paıyzyn, sonyń ishinde 40 paıyzyn qatty kúıik shalǵan Evgenııdi qalalyq aýrýhananyń jansaqtaý bólimine jetkizgen edi.
Dárigerler bir apta boıy onyń ómirin saqtap qalýǵa bar kúshin saldy. Jigitke segiz lıtr qan qajet bolyp, qala turǵyndary jas azamattyń ómirin qutqaryp qalý úshin qan tapsyrdy. Ókinishke oraı, ony qutqaryp qalý múmkin bolmaǵan, búgin tań ata ol birinshi qalalyq aýrýhananyń jansaqtaý bóliminde kóz jumdy.
