Óskemende janar-jaǵarmaı baǵasy kún sanap ósip jatyr
ÓSKEMEN. QazAqparat - Shyǵys Qazaqstan oblysynyń ortalyǵynda benzın baǵasy ósip keledi, dep habarlaıdy «QazAqparat» HAA tilshisi.
Búgin, 19 qyrkúıek kúni AI-92 markili janarmaıdyń quny bir lıtrine 147-den 150 teńgege deıin ósti. Gelıos janarmaı beketterinde AI-95 benzıniniń quny - 161 teńgege jetse, keshe ǵana onyń baǵasy lıtrine 160 teńgeni quraǵan.
Janarmaı beketterinde jazǵy dızeldik janarmaı 148-149 teńge turady. Oblys ortalyǵynan shyǵa beriste búgin tańerteń AI-95 benzıni men dızeldik janarmaı quny - 146 teńgeni quraǵan. Benzın markalarynyń arasynda eń qymbaty - premıým evro, onyń bir lıtri 169 teńge turady. Birneshe kún buryn onyń baǵasy 160 teńgeden aspaǵan edi. 
Eske salaıyq, janar-jaǵarmaı materıaldarynyń baǵasy ótken aptada sharyqtap ketken bolatyn.
