Óskemende jańa Jylý elektr ortalyǵy salyna ma

ASTANA. QazAqparat – Premer-Mınıstr Álıhan Smaıylov Senat depýtattarynyń Óskemende Jańa jylý elektr ortalyǵyn salýǵa qatysty saýalyna jaýap berdi, dep habarlaıdy QazAqparat tilshisi.

«Qazirgi ýaqytta Óskemen qalasynda jańa Jylý elektr ortalyǵyn salýǵa qatysty másele qarastyrylyp otyrǵan joq. Degenmen, Energetıka mınıstrligi «Óskemen Jylý elektr ortalyǵy» JShS-men «Jańa qazan agregat salý jáne tozyǵy jetken qubyr agreatty aýystyrý» jobasyn júzege asyrý boıynsha ınvestıtsııalyq kelisimshart jasasqan. Qurylys merzimin aıaqtaý 2025 jyldyń jeltoqsanyna josparlanyp otyr. Jobany júzege asyrý kezinde qorshaǵan ortaǵa zııandy zattardyń shyǵaryndylaryn tómendetý úshin zamanaýı tehnologııa qoldanylatyn bolady», - dedi Álıhan Smaıylov jaýabynda.