Óskemende jańa áýejaı termınaly ashyldy

ÓSKEMEN. QazAqparat - Óskemende búgin saǵatyna 200 jolaýshyny qabyldaýǵa qaýqarly halyqaralyq áýejaıdyń jańa termınalynyń ashylý saltanaty ótti, dep habarlaıdy «QazAqparat» HAA tilshisi.

Aımaq basshysy Danıal Ahmetov ǵımaratty aralap, oń baǵasyn berdi.

«Bul nysannyń qurylysy óńir úshin óte mańyzdy. Sebebi, eldiń shyǵysy Qazaqstan, Reseı, Qytaı jáne Mońǵolııa arasyndaǵy kópir ispettes. Bul tórt eldiń tyǵyz ıntegratsııasyna jasalǵan taǵy bir qadam sanalady», - dep atap ótti jıynda ákim.

Sondaı-aq, ol Semeıdegi áýejaı jobasynyń qurylysy 1 shildege qaraı aıaqtalatynyn habarlady.

«Ol jerde de tap osyndaı qabyldaý konveıeri bolady. Bizde eki tamasha áýejaı bolady, bul degenimiz - myńdaǵan adamdar eki iri qaladaǵy halyqaralyq standarttarǵa saı joǵary avıatsııalyq qyzmetterdi qoldana alady degen sóz», - dedi óńir basshysy.

Bul áýejaı arqyly Shyǵys Qazaqstan Antalııa, Máskeý, Sankt-Peterbýrg, Novosibir, Astana, Qaraǵandy, Shymkent áýe reısterimen jáne ShQO aýdandarynyń ortalyǵymen baılanysyp jatyr. Charterlik reıster dúnıejúzi boıynsha júzege asyrylýda.