Óskemende jańa alleıa salynyp jatyr
ÓSKEMEN. QazAqparat – Óskemen qalasynda jańa demalys orny paıda bolmaq, dep habarlaıdy QazAqparat tilshisi.
Bul jaıly qala basshysy Jaqsylyq Omar Instagram -daǵy paraqshasynda jazdy.
«19-shy shaǵyn aýdanda jańa alleıa salynýda. Demalys ornynyń uzyndyǵy bir shaqyrymnan asady. Búginde alleıanyń jartysy tolyqtaı qoldanýǵa berildi, al qalǵan bóliginde abattandyrý jalǵasýda. Bul jer turǵyndardyń súıikti ornyna aınalatyndyǵy sózsiz», - dedi ol.
Qala ákiminiń málimetinshe, alleıa aýmaǵynda 350-den astam kóshet otyrǵyzylǵan. Sondaı-aq oryndyqtar, qoqys jáshikteri ornatylyp, jaryqtandyrý júrgizildi.
