Óskemende jalǵan jıhaz jasaýshylar ustaldy
ÓSKEMEN. QazAqparat - Shyǵys Qazaqstan oblystyq Іshki ister departamentiniń ókilderi sońǵy kezde Óskemende jalǵan jıhaz jasaýshylardyń kóbeıip ketkenin aıtady. Qolǵa túsken erli-zaıyptylar tipti keıbir úılerden jıhaz turatyn orynnyń ólshemin alyp otyrǵan, dep habarlaıdy QazAqparat tilshisi.
«Jıhazshy» jup ólshem jasaý qyzmetin tegin usynǵan. Osylaısha, tapsyrys berýshilerdiń senimine kirip alyp, aldyn ala tólem talap etetin bolǵan. Aqsha qolǵa tıisimen, tapsyrys berýshiler habarsyz ketken. Olardyń bul qýlyǵyna 42 jastaǵy óskemendik áıel de aldanǵan eken. Jalǵan jıhazshylar ınternettegi paraqshadan ózderiniń «qolynan shyqqan» ónimderdiń sýretin kórsetip, tapsyrys óte kóp bolǵandyqtan, aqshanyń bir bóligin qolma-qol berý kerektigin aıtady. Úıge arnaıy kelip, jıhazdyń ólshemin alǵan jupqa áıel 200 myń teńgeni ustatyp qoıa bergen. Tapsyrys berýshiniń kóńili ornyqty bolýy úshin kúdiktiler 2 dana kelisimshart jasaıdy. Biraq notarıýssyz jasalǵan bul qujattyń eshqandaı zańdyq kúshi joq bolatyn.
«Dál osyndaı jolmen aldanǵan 7 dam anyqtalyp otyr. Óskemen qalalyq ishki ister bólimi 46 jastaǵy óskemendikti ustady. Onyń bul áreketinen tapsyrys berýshiler 700 myń teńgeniń shyǵynyn kórgen. Kúdiktiniń ústinen «Alaıaqtyq» baby boıynsha sotaldy tergeý jumystary bastaldy» - delingen ІІD baspasóz qyzmetinin málimetinde.
Departament mamandary turǵyndarǵa qandaı da bir tapsyrys bermes buryn, saq bolý kerektigin eskertedi.
