Óskemende jalǵan qujat jasaýmen aınalysqan qylmystyq toptyń joly kesildi

ÓSKEMEN. QazAqparat – Óskemen qalasynda jalǵan býhgalterlik qujattar jasaýmen aınalysyp kelgen qylmystyq top músheleri ustaldy, dep habarlaıdy QazAqparat.

ShQO prokýratýrasy, oblystyq Ekonomıkalyq tergeý departamenti jáne Ulttyq qaýipsizdik komıtetiniń ShQO boıynsha departamenti birlesip salyqtan jaltarý maqsatynda jalǵan býhgalterlik qujattar jasaýmen aınalysqan qylmystyq toptyń jolyn kesti. Anyqtalǵandaı, olar osy ýaqytqa deıin 1,5 mlrd teńge mólsherinde salyqtan jaltarǵan.

«Tintý jumystary barysynda barlyq býhgalterlik qujattar, mórler men kompıýterler tárkilendi. Qylmystyq toptyń uıymdastyrýshysy qamaýǵa alynǵan», dep habarlady ShQO Ekonomıkalyq tergeý departamenti.

Qosa ketsek, ótken jyly Óskemen qalalyq №2 sotynyń úkimimen osy syndy zańbuzýshylyq jasaǵan eki qylmystyq topqa úkim shyqqan. Olar memleketke 4 mıllıard teńgeden astam zalal keltirgen.