Óskemende jalǵan kásipker memleketke 852 mln teńge salyq tólemegen
ÓSKEMEN. QazAqparat - Óskemen qalasynyń turǵyny qarajatyn zańsyz qolma-qol aqshaǵa aınaldyrǵany úshin sottaldy, dep habarlaıdy QazAqparat.
Qarjy monıtorıngi komıtetiniń Shyǵys Qazaqstan oblysy boıynsha ekonomıkalyq tergeý departamenti is júzinde jumys oryndamaı, qyzmet kórsetpeı, taýardy tıep-jóneltpeı shot-faktýra jazý faktisiniń jolyn kesti.
Jedel izdestirý sharalarynyń barysynda kúdiktiniń ekinshi deńgeıli bankte aqsha qarajatyn júıeli túrde qolma-qolǵa aınaldyryp otyrǵany anyqtaldy
Óskemen qalasyndaǵy bir bankte 14,9 mıllıon teńge kólemindegi aqsha qarajatyn qolma-qolǵa aınaldyrý barysynda jalǵan kásiporyn basshysy ustaldy.
Óskemen turǵyny 2015-2019 jyldar aralyǵynda jalǵan 4 kásiporyndy týystary men tanystaryna tirkeı otyryp, jalǵan býhgalterlik qujattardy jazyp berýmen aınalysqan. Bul kásiporyndarda kásipkerlik qyzmetti júzege asyrý úshin avtokólik, úı-jaı, óndiristik tehnıkalyq baza jáne qyzmetkerler shtaty bolmaǵan.
Jalǵan fırma basshylarynyń qarjy sharýashylyq máselesimen aınalyspaǵany, býhgalterlik esep júrgizbegeni jáne salyq esebin tapsyrmaǵany anyqtaldy.
Іs júzinde fırmalar qylmystyq is-áreketti júzege asyrý úshin, kontragentterge salyqtan jaltarý úshin jalǵan esepshot jazyp berýmen aınalysqan.
Nátıjesinde memleketke tólenbegen salyq túrinde 852,5 mln teńge kóleminde shyǵyn kelgeni anyqtaldy.
Óskemen qalasy №2 sotynyń úkimimen aıyptalýshy QR QK 28 jáne 216 baptarynyń 3-bólimi boıynsha kináli dep tanylyp, shartty túrde 3 jylǵa bas bostandyǵynan aıyryldy.
