Óskemende jalǵan hattamalar toltyryp kelgen polıtseı sottaldy

ÓSKEMEN. KAZINFORM – Óskemen qalasynda jalǵan hattamalar toltyryp kelgen polıtsııa qyzmetkeri sottaldy.

Qalalyq №2 soty baspasóz qyzmetiniń málimetine súıensek, tártip saqshysyna QR QK-niń 416-baby 2-bóligine qatysty qylmystyq is qaralǵan.

«Anyqtalǵandaı, Óskemen qalalyq PB patrýldik polıtsııa batalonynyń ınspektory bolyp jumys istegen aıyptalýshy óziniń qyzmettik babyn paıdalana otyryp, 2023 jyldyń 20 qańtary men 5 aqpany aralyǵynda jalǵan hattamalar toltyryp kelgen. Atap aıtqanda, qoǵamdyq orynda mas kúıde júrý týraly 2, qoǵamdyq orynda tıisý týraly 1 hattama toltyrǵan», - delingen aqparatta.

Osylaı qyzmettik kórsetkishin jaqsartýdy kózdegen polıtseı sot barysynda óz kinásin tolyqtaı moıyndady.

«Sot sheshimimen 3 jyl merzimge memlekettik qyzmette laýazymdardy atqarý quqyǵynan aıyrylǵan sottalýshy 400 AEK (1 380 000 teńge) kóleminde aıyppul tóleýge mindetteldi. Úkim áli zańdy kúshine engen joq», - delingen habarlamada.

Óskemende jańa JEO salynatynyn jazǵan bolatynbyz.