Óskemende jaǵymsyz ıis shyǵaratyn qaldyq oryndary tazartylady
ASTANA. QazAqparat - Óskemen qalasyndaǵy Ponton kópiriniń mańyndaǵy jaǵymsyz ıis máselesi 2018 jyly sheshilýi múmkin, dep habarlaıdy altaynews.kz .
Qazir Óskemende qalalyq tazalaý júıelerin qaıta jańartý jobasynyń ekinshi kezeńi júrgizilip jatyr. Jobanyń ekinshi kezeńinde qala shetindegi qaldyq jınaý oryndarynda jınalǵan suıyq qaldyqtardy bıogazǵa aınaldyratyn metantenkter rezervýarlarynyń qurylysy salynbaq. Dál qazirgi ýaqytta qaldyq jınaý rezervýaryndaǵy suıyq qaldyqtarǵa bıoorganızmder, hımıkattar jiberý arqyly ondaǵy ıis shyǵaratyn qaldyqtardy joıyp, ıissizdendiretin tehnologııalyq ádis engizilip jatyr. Qala shetindegi Ponton kópiri men Ahmer aýyly ortasyndaǵy «Óskemen sý arnasy» kásipornynyń on qaldyq jınaý nysanynyń birinde qazir osy qanatqaqty joba iske asyrylyp, tájirıbeden ótkizilip jatyr.
Sonymen birge «Óskemen sý arnasy» kásiporny ózge elderdiń káriz tazalaý tájirıbesinde qoldanylyp kele jatqan zamanaýı «Sýly kedergi» tásilimen tazalaý jobasyn qolǵa alyp jatyr. 2018 jyly kásiporyn ózderiniń ınvestjobasy boıynsha on qaldyq jınaý ımaratynyń bárin hosh ıistendirgish qospalar qosý jolymen jańa tásil boıynsha tazartýǵa kirispek.
