Óskemende jabaıy elikti kólik qaǵyp ketti
ÓSKEMEN. QazAqparat – Óskemende kólik qaǵyp ketken elikti qutqaryp jatyr, dep habarlaıdy QazAqparat.
Oqıǵa 1-2 kún buryn oblys ortalyǵyndaǵy kóshelerdiń birinde bolǵan. Jaralanǵan janýar veterınarlyq emhanaǵa jetkizilip, oǵan ota jasaldy.
«Qazirgi ýaqytta elik statsıonarlyq bólimshede dárigerlerdiń baqylaýynda. Aýyr jaraqattardan bólek, janýar birneshe kún boıy ash júrgen. Ash qalǵan shópqorektilerdiń ishi shanshyp aýyrady, olar úshin bul óte qaýipti», - dep habarlady veterınarlyq emhanadaǵylar.
Aıta keteıik, jergilikti belsendi Sergeı Berdnıkov jabaıy elikti qorǵaýǵa arnalǵan aktsııa jarııalady. Oǵan eliktiń ómirine beı-jaı qaramaıtyn azamattar qoldaý bildirip, emdeýge qazirdiń ózinde 250 myń teńge jınady.
Qazir janýarǵa kerek-jaraqtyń bári bar. Eliktiń tez jazylyp ketýi úshin ony jemis-jıdektermen qorektendirip jatyr.
Esterińizge sala keteıik, ótken aptada Óskemen qalasynyń turǵyndary kóshede júgirip júrgen jabaıy elikti baıqaǵan.
Avtory Oral Erlanuly
