Óskemende zeınetkerdiń páterin jaldaǵan er adam 2 mln teńgesin urlap ketken
ÓSKEMEN. QazAqparat – Óskemen qalasynda zeınetkerdiń páterin jaldaǵan er adam 2 mln teńgeni jymqyryp ketti, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, qańtar aıynyń basynda «102» arnasyna 80 jastaǵy qart kisi habarlasyp, páter jaldaýshysynyń sandyqtaǵy 2 mıllıon teńgesin urlap, onymen qoımaı qolynan uıaly telefonyn julyp alǵanyn aıtyp shaǵym túsirdi.
«Jedel-izdestirý sharalaryn júrgizgen polıtsııa qyzmetkerleri buryn sottalǵan 46 jastaǵy kúdiktini ustady. Turaqty jumys orny joq er adam óz kinásin moıyndap otyr. Aqsha men telefon zeınetkerge qaıtaryldy», - dedi ShQO PD bastyǵy Saǵat Mádıev.
Qazirgi ýaqytta oǵan qatysty QR Qylmystyq Kodeksiniń 191-baby 3-bóligi boıynsha sotqa deıingi tergeý amaldary júrgizilýde.
