Óskemende zeınetker 7 jasar nemeresin óltirdi degen kúdikpen ustaldy

ÓSKEMEN. KAZINFORM – Óskemen qalasynda zeınetker 7 jasar nemeresin óltirdi degen kúdikpen ustaldy.

Beıresmı málimetke súıensek, er adam nemeresine birneshe ret pyshaq suqqan. Aýyr jaralanǵan 7 jasar bala sol jerde kóz jumǵan. 

Shyǵys Qazaqstan oblystyq Polıtsııa departamenti oqıǵanyń bolǵanyn rastap, kúdiktiniń ustalǵanyn jetkizdi. 

«Kámeletke tolmaǵan balany óltirý deregi boıynsha qylmystyq is qozǵaldy. Kúdikti ýaqytsha ustaý ızolıatoryna qamaýǵa alynǵan. Aıǵaqty zattar alynyp, qajetti saraptamalar taǵaıyndaldy. Barlyq mán-jaı anyqtalýda», - dedi departamenttiń baspasóz hatshysy Tatıana Karpova. 

Onyń aıtýynsha, ózge aqparat QR QPK-niń 201-babyna sáıkes jarııa etilýge jatpaıdy.