Óskemende zeınetker 1,2 mln teńgeniń jabdyqtaryn urlaǵan
ÓSKEMEN. QazAqparat – Óskemen qalasynda zeınetker transformator býdkasynan 1 mln 200 myń teńgelik jabdyqtardy urlap ketken, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, «102» jedel arnasyna qońyraý shalǵan 42 jastaǵy er adam belgisiz bireýlerdiń Óskemendegi memlekettik mekemelerdiń biriniń balansynda turǵan transformator býdkasynan 7 radıator men tsısternany urlap ketkenin jetkizdi. Materıaldyq shyǵyn mólsheri – 1 200 000 teńgeden asqan.
«Jedel-izdestirý sharalaryn júrgizgen krımınaldyq polıtsııa qyzmetkerleri Ulan aýdanynyń 69 jastaǵy turǵynyn ustady. Zeınetker óz kinásin moıyndap otyr», - dep habarlady vedomstvo ókilderi.
Qazirgi ýaqytta atalǵan fakti boıynsha Qazaqstan Respýblıkasy Qylmystyq Kodeksiniń 188-baby 1-bóligine sáıkes sotqa deıingi tergeý amaldary júrgizilýde.
