Óskemende zaýyttaǵy jarylystan soń aýa sapasy tekserilip jatyr
ASTANA. KAZINFORM — Óskemen qalasynda ónerkásip alańynda bolǵan oqıǵadan keıin Ekologııa departamentiniń mamandary atmosferalyq aýanyń jaı-kúıin tekserýge kiristi, dep habarlaıdy vedomstvonyń baspasóz qyzmeti.
— Ónerkásiptik aımaq mańynda bulttyń paıda bolýyna baılanysty jaǵdaıdy naqtylaý úshin Ekologııa departamentiniń mamandary oqıǵa ornyna shyqty. Atmosferalyq aýaǵa shyǵaryndylardy anyqtaý boıynsha qajetti is-sharalar júrgizilip jatyr, — delingen habarlamada.
Óz quzyreti sheńberinde Ekologııa departamenti sanıtarııalyq-qorǵaý aımaǵynyń shekarasynda atmosferalyq aýanyń sapasyna aspaptyq ólsheýler júrgizip jatyr. Ólsheý nátıjeleri qosymsha habarlanatyn bolady.
Eske salsaq, Óskemen qalasynda ornalasqan kásiporyn aýmaǵynda apat bolyp, sonyń saldarynan órt shyǵyp, ǵımarattyń bir bóligi opyrylǵanyn jazǵanbyz.
