Óskemende zaýyttaǵy jarylystan 4 adam zardap shekti
ASTANA. KAZINFORM — Qazirgi ýaqytta «Kaztsınk» JShS aýmaǵyndaǵy órt oqshaýlandy, dep habarlaıdy TJM baspasóz qyzmeti.
Qutqarýshylar ǵımarat konstrýktsııalaryn bólshektep, órt oshaqtaryna sý quıyp jatyr.
— Zardap shekkenderdi izdestirý jumystary jalǵasady. Aldyn ala málimet boıynsha, 4 adam medıtsınalyq mekemege jetkizildi. Oqıǵa ornynda 40 adam jeke quram men 10 tehnıka jumyldyryldy, — delingen habarlamada.
Vedomstvo málimetinshe, órttiń jalpy aýdany anyqtalady. TJM janynda jedel shtab qurylyp, onyń quramyna memlekettik organdar men ózara áreket etetin qyzmetterdiń ókilderi kirdi.
Eske salsaq, Óskemendegi kásiporyndardyń birinde joıqyn jarylys boldy.
Keıinnen zaýyttaǵy jarylystan soń aýa sapasy tekserilip jatqany habarlandy.
