Óskemende zańsyz pırotehnıkalyq ónimder tárkilendi
ÓSKEMEN. QazAqparat – Óskemende zańsyz pırotehnıkalyq ónimder satylatyn oryn anyqtaldy, dep habarlaıdy QazAqparat Shyǵys Qazaqstan oblystyq Polıtsııa departamentiniń baspasóz qyzmetine silteme jasap.
«Satýshynyń sózinshe, taýar Almatydan jetkizilgen. Al ruqsat qaǵazdarynyń joqtyǵyn ol ýaqytynyń bolmaýymen túsindirdi. Arnaıy ruqsaty joq taýardy paıdalanýyń sońy qandaı jaǵdaıǵa dýshar etetini túsinikti ǵoı»,-deıdi polıtsııa.
Reıd barysynda qutqarýshylar men polıtseıler zańsyz ónim satylatyn oryndardan 100 pırotehnıkalyq ónimdi tárkiledi.
Aıta keteıik, tártip saqshylary pırotehnıkalyq ónimderdiń arnaıy konteınerlerden tys jáne lıtsenzııasy joq adamdardan, kólikten, jalpy alǵanda qoldan satyp alýǵa tyıym salynǵanyn taǵy da eskertti.
Shyǵys Qazaqstan oblysynda osy ýaqytta «Pırotehnıka» atty respýblıkalyq jedel-saýyqtyrý sharasy ótip jatyr.
Oral Erlanýly
