Óskemende zańsyz aınalymnan 436 alkogol ónimi tárkilendi
ASTANA. KAZINFORM — ShQO-da zańsyz alkogol saýdasyna tosqaýyl qoıyldy, dep habarlaıdy Polisia.kz.
«Alkogolsiz aýyl» respýblıkalyq jedel-profılaktıkalyq is-sharasy aıasynda Shyǵys Qazaqstan oblysynyń polıtsııa qyzmetkerleri Óskemen qalasyndaǵy saýda oryndarynyń birinde alkogol ónimderin zańsyz satý faktisin anyqtady.
Júrgizilgen tekserý barysynda jeke kásipkerdiń Qazaqstan Respýblıkasynyń zańnamasynda kózdelgen tıisti lıtsenzııasyz alkogol ónimderin saýdalaǵany belgili boldy.
— Protsessýaldyq is-sharalar barysynda zańsyz aınalymnan jalpy sany 436 dana alkogol ónimi tárkilendi. Onyń ishinde 254 bótelke kúshti alkogoldik ishimdik jáne 182 syra ónimi bar. Tárkilengen ónimderdiń barlyǵy zattaı dáleldeme retinde tanylyp, protsessýaldyq sheshim qabyldanǵanǵa deıin jaýapty saqtaýǵa qoıyldy, — deıdi tártip saqshylary.
Qazirgi ýaqytta alkogol ónimderiniń zańsyz aınalymyna qatysty quqyq buzýshylyqtardy anyqtaý jáne jolyn kesý jumystary jalǵasyp jatyr.
Budan buryn Shyǵys Qazaqstanda 26 aýyl halqy ishimdikten bas tartqanyn jazǵan edik.
