Óskemende iz-túzsiz joǵalǵan qarttyń denesi tabyldy

ÓSKEMEN. KAZINFORM – Óskemen qalasynda iz-túzsiz joǵalyp ketken qart kisiniń denesi tabyldy.

ShQO Polıtsııa departamenti baspasóz qyzmetiniń málimetine súıensek, 21 sáýirde Ertis polıtsııa bólimine habarlasqan áıel kúıeýiniń aǵasy joǵalyp ketkenin jetkizdi.

72 jastaǵy azamat 20 sáýir kúni saǵat 10:00 shamasynda úıden belgisiz baǵytqa shyǵyp ketken. Sol ýaqyttan beri ol habar-osharsyz boldy.

«Jedel-izdestirý sharalaryna polıtseıler men eriktiler tartyldy. Alaıda zeınetkerdi tabý múmkin bolmady. Tek 3 kún ótkennen keıin Óskemen sý elektr stansasy aýdanyndaǵy Levoberejnaıa kóshesinde qart adamnyń denesi tabylǵany jaıly habar tústi. Bul joǵalǵan zeınetker bolyp shyqty. Onyń denesinen kógergen izder baıqalmady. Qazirgi ýaqytta tıisti saraptamalar taǵaıyndalyp, tergeý amaldary júrgizilip jatyr», - delingen aqparatta.