Óskemende «Vostok» fýtbol klýbynyń legıoneri sotqa tartyldy
ASTANA. QazAqparat - Óskemen qalasynyń mamandandyrylǵan əkimshilik sotynda Nıgerııa Respýblıkasynyń azamatyna qatysty is qaraldy. "Vostok" fýtbol klýbynyń sapynda óner kórsetetin fýtbolshy Qazaqstannyń kóshi-qon zańnamasyn buzǵan, dep habarlaıdy "QazAqparat" HAA tilshisi.
Nıgerııa Respýblıkasynyń azamaty 2015 jyldyń maýsym aıynda Óskemenge kelip, 2016 jyldyń maýsym aıyna deıingi merzimge jergilikti mıgratsııalyq polıtsııaǵa tirkelgen. Alaıda, atalǵan ýaqyttyń ótip ketkenine qaramastan sheteldik azamat mıgratsııalyq polıtsııaǵa at basyn burmaı ketken. Osylaısha, QR Ákimshilik quqyqbuzýshylyq týraly kodekstiń 517-babynda kórsetilgen buzýshylyqty jasaǵan.
Sotta fýtbolshy kinəsin tolyq moıyndap, tirkeý shartyn uzartýdy umytyp ketkenin atty. Əkimshilik sottyń sýdıasy is-materıaldaryn zertteı kele jáne sheteldik azamattyń buryn jaýapqa tartylmaǵandyǵyn eskerip, oǵan aıyppul salý týraly sheshim qabyldady. Sot qaýlysymen nıgerııalyq legıoner 15 AEK, ıaǵnı 34 myń 35 teńge kóleminde aıyppul tóleýge mindetteldi.
