Óskemende voleıboldan Ulttyq lıgadaǵy erler komandalary arasynda el chempıonatynyń 5-týry ótedi
ALMATY. 25 naýryz. QazAqparat /Erlik Erjanuly/ - Óskemende 31 naýryz ben 5 sáýir aralyǵynda voleıboldan Ulttyq lıgadaǵy erler komandalary arasynda HІH Qazaqstan chempıonatynyń 5-týr oıyndary bolady.
Qazir alǵashqy 4 týrdyń qorytyndysy boıynsha týrnır kestesinde 37 upaımen almatylyqtar kósh bastap keledi. Olardy 35 upaımen Hromtaýdyń "TNK Qazhrom" men 31 upaımen Óskemenniń "Shyǵys-QorǵasynQurylysy" ókshelep kele jatyr. Al "Kondensat" (Oral) pen "Atyraýda" - 26, "Esilde" (Qyzyljar) - 25 upaı bar. Jalpy el chempıonaty aınalym júıesi boıynsha 6 týrǵa sozylatynynyn eskersek, bul saıys óskemendikter úshin kósh basyndaǵy komandalarmen aradaǵy upaı aıyrmasyn qysqartý jolyndaǵy sońǵy múmkindikterdiń biri bolmaq. Olar bul joly alǵashqy 2 oıynyn Oral men Atyraýdan, sońǵy kezdesýin Qyzyljar qalasynan kelgen voleıbolshylarmen ótkizetin bolady. Al negizgi syn 2-sáýirde "Almatymen", odan keıin 4-sáýirde "TNK Qazhrom" komandasymen bolmaq.
