Óskemende voleıboldan Ulttyq lıgadaǵy áıelder komandalary arasynda HH Qazaqstan chempıonatynyń jalaýy kóteriledi
ALMATY. 18 qarasha. QazAqparat /Erlik Erjanuly/ - Óskemende 21-28 qarasha kúnderi voleıboldan Ulttyq lıgadaǵy áıelder komandalary arasynda HH Qazaqstan chempıonatynyń 1-týr oıyndary ótedi. Oǵan Almaty oblysynyń «Jetisý», Pavlodar oblsynyń «Ertis-Qazhrom»,
Astana qalasynyń «Astana», Qaraǵandy oblysynyń «Qaraǵandy», Almaty qalasynyń «Almaty», Temirtaý qalasynyń «Metallýrg AMT» men Óskemen qalasynyń «Shyǵys-qorǵasynQurylys» komandalary qatysady. Aınalym júıesi boıynsha 6 týrǵa sozylatyn el birinshiligi bıyl qaraǵandylyqtar men temirtaýlyqtardyń oıynymen bastalǵaly otyr. Odan keıin oıyn kórigin Astana men Almaty, Pavlodar men Óskemen sportshylary qyzdyrmaq. Al kelesi kúni el chempıony sanalatyn jetisýlyqtar kúmis júldeger atanǵan pavlodarlyqtarmen sheberlik baıqasady.
