Óskemende Voleıboldan klýbtyq Azııa chempıonaty bastaldy
ÓSKEMEN. QazAqparat - Óskemenge Azııanyń eń úzdik 9 voleıbol klýby keldi, dep habarlaıdy QazAqparat tilshisi.
Voleıboldan áıelder arasyndaǵy klýbtyq Azııa chempıonaty bıyl ekinshi ret Óskemende ótýde. Oǵan Qytaı, Indonezııa, Iran, Qazaqstan, Taıland, Shrı-Lanka, Vetnam, Taıbeı, Japonııa elderiniń ulttyq chempıonatynda top jarǵan 9 komanda qatysýda.
Bul synda Qazaqstannyń namysyn jergilikti «Altaı» komandasy qorǵaıdy. Chempıonattyń shymyldyqashar kezdesýi Vetnam men Shrı-Lanka ujymdary saıyssa, odan keıin Taıland pen Qytaı komandalary baq synasqan bolatyn.
Jarystyń ashylý saltanatyna oblys ákimi Danıal Ahmetov pen QR Voleıbol federatsııasynyń prezıdenti Nurtaı Ábiqaev qatysyp, sportshy arýlarǵa sáttilik tiledi.
Jarystyń birinshi kúnin Iran jáne Qazaqstan komandalarynyń oıyny túıindeıdi.
