Óskemende voleıboldan erler komandalary arasynda Qazaqstan Kýbogynyń alǵashqy kezeńdik saıysyi ótedi
ALMATY. Qyrkúıektiń 10-y. QazAqparat /Erlik Erjanuly/ - Qyrkúıektiń 12-18 kúnderi Óskemende voleıboldan erler komandalary arasyndaǵy Qazaqstan Kýbogynyń alǵashqy kezeńdik saıystary ótedi, dep habarlaıdy QazAqparat QR Voleıbol federatsııasyna silteme jasap.
Oǵan - Almatydan «QazUAÝ» men «TsSKA», Petropavldan "Esil" men "Esil-Vıktorııa", Astanadan "Ushqyn-Iskra", Temirtaýdan "Arselor-Mıttal", Shymkentten "Qazyǵurt", Semeıden "Semeı", Tarazdan "Taraz-TarMÝ", Óskemennen "Shyǵys-QorǵasynQurylys 2", Pavlodardan «Ertis-AO AK», komandalary qatyspaq. Olardyń arasynda XVIII Qazaqstan chempıonatynda 1-4 oryn alǵan Ulttyq lıgadaǵy sheberler bolmaıdy. Olar alǵashqy kezeńde úzdik tórttiktiń qataryna engen komandalarmen birge qazannyń 13-20 kúnderi Hromtaý qalasynda ótetin Qazaqstan Kýbogynyń shırek fınaldyq oıyndary kezinde óner kórsetedi. Al onda top jarǵan 4 komanda qazannyń 29-y men qarashanyń 1-i aralyǵynda Almatyda ótetin aqtyq synda kezdesip, Qazaqstan Kýbogynyń jeńimpazyn anyqtaıtyn bolady.
