Óskemende voleıboldan áıelder komandalary arasynda ekinshi týr oıyndary bastalady

ÓSKEMEN. KAZINFORM – Búgin Óskemen qalasynda voleıboldan áıelderdiń ulttyq lıga komandalary arasynda Qazaqstan chempıonaty ekinshi týrynyń oıyndary bastalady.

Týrnır kestesinde alań ıeleri – «Berel» men «Jetisý» (Taldyqorǵan) 19 upaımen kósh bastasa, «Qýanysh» (SQO) pen «Qaraǵandy» (15 upaı) úshinshi-tórtinshi oryndardy bólisip jatyr.

Sársenbi kúni «Jetisý» - «Arý-Astana», «Qýanysh» - «Almaty», «Ertis» - «Gratsııa KZ», «Turan» (Túrkistan) - «Aqtóbe», «Berel» - «Qaraǵandy» komandalary ózara synǵa túsedi.

Bıylǵy kýbok jáne sýperkýbok ıegeri «Jetisý» aldaǵy senbiden bastap óziniń tikeleı qarsylastary – «Qýanysh», «Berel» jáne el chempıony «Turanmen» oınaıdy. Al bıyl Azııa klýbtyq chempıonatynda tórtinshi orynǵa taban tiregen «Qýanysh» 10-11 jeltoqsan kúnderi «Berel» jáne «Turanmen» sheberlik baıqasady.

Ekinshi týr oıyndary 11 jeltoqsanda máresine jetedi.

Eske sala keteıik, budan buryn Óskemende voleıboldan el chempıonaty birinshi týrynyń oıyndary aıaqtalǵanyn jazǵan bolatynbyz.