Óskemende velosıpedpen kele jatqan bala jolǵa shyǵyp ketip, kólikke soǵyldy
ÓSKEMEN. QazAqparat – Óskemen qalasynda velosıpedpen kele jatqan jasóspirim jolǵa shyǵyp ketip, kólikke soǵyldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, jol-kólik oqıǵasy Temirjolshylar kóshesinde bolǵan.
«Velosıpedpen jolda kele jatqan 14 jastaǵy bala qarsy jolaqqa shyǵyp ketip, Toyota Camry kóligine soǵylǵan. Jol apaty saldarynan jasóspirim jeńil dárejedegi dene jaraqatyn aldy», - delingen aqparatta.
Kámeletke tolmaǵan balaǵa qatysty QR ÁQBtK-niń 615-baby 1-bóligi boıynsha (jaıaý júrginshilerdiń jáne jol qozǵalysynyń basqa da qatysýshylarynyń jol qozǵalysy erejelerin buzýy) ákimshilik hattama toltyryldy.
