Óskemende velosıped teýip kele jatqan 6 jasóspirimdi kólik qaqty
ÓSKEMEN. KAZINFORM – Óskemen qalasynda velosıped teýip kele jatqan bir top jasóspirimdi kólik qaǵyp ketti.
ShQO polıtsııa departamenti baspasóz qyzmetiniń málimetine súıensek, oqıǵa qaladaǵy Ertis kópirinde bolǵan.
- Toyota Avensis markaly avtokóliktiń júrgizýshisi jolaqty aýystyrǵanda manevrdiń qaýipsizdigine kóz jetkizbeı bir top velosıpedshini qaǵyp ketti. Jol-kólik oqıǵasy saldarynan kámelettik jasqa tolmaǵan 6 adam zardap shekti, - delingen aqparatta.
Qazirgi ýaqytta 14-17 jas aralyǵyndaǵy jasóspirimder aýrýhanaǵa jetkizilgen. Atalǵan fakti boıynsha polıtsııa qyzmetkerleri tıisti tergeý amaldaryn júrgizip jatyr.
Eske salsaq, osyǵan deıin Óskemendegi Ertis kópiri kúrdeli jóndeý aldynda keshendi tekserýden ótetindigi habarlanǵan.
