Óskemende úıin órtep, ózi asylyp qalmaq bolǵan er adam qutqaryldy
ÓSKEMEN. QazAqparat – Óskemen qalasynda úıin órtep, ózi asylyp qalmaq bolǵan er adam qutqaryldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylarǵa Bashıkov kóshesindegi jer úıdiń órtenip jatqandyǵy týraly habar túsken.
«Órt sóndirýshiler oqıǵa ornyna kelip jetkenkende qabyrǵanyń aǵash konstrýktsııalary men jeke zattar janyp jatqan. Órt sóndirýshiler birden iske kiristi. Jylan sharpyǵan aýmaq 1,5 sharshy metrdi qurady. Barlaý barysynda №7 órt sóndirý bóliminiń qaraýyl bastyǵy Jiger Slıamov aýlada asylyp qalmaq bolǵan 1985 jylǵy úı ıesin kórip qaldy. Ol áriptesteri Oljas Qapanov jáne Aıbek Aqzammen birge er adamdy qutqaryp, alǵashqy medıtsınalyq kómek kórsetti», - delingen habarlamada.
Belgili bolǵandaı, er adam óz úıin de órtep jibergen. Qazirgi ýaqytta onymen mamandar jumys júrgizýde.
