Óskemende úı almaq bolǵan áıel alaıaqqa 3 mln teńge bergen

ÓSKEMEN. QazAqparat – Óskemen qalasynyń turǵyny ıpotekaǵa úı alýǵa kómektesetindigin aıtyp sendirgen alaıaqqa 3 mln teńgeden astam aqsha bergen, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, qalanyń 32 jastaǵy turǵyny polıtsııaǵa júgindi. Óz sózinde ol beıtanys jigittiń «ıpotekaǵa páter alýǵa kómektesemin» dep ýáde berip, aldap ketkenin jetkizgen.

«Alaıaqtyń arbaýyna túsken áıel 3 207 500 teńgesinen aıyryldy. Aqshany Óskemendegi qonaq úı keshenderiniń birinde ózi tabystaǵan. Alaıda sol ýaqyttan beri er adam habar-osharsyz ketti», - dep habarlady vedomstvo ókilderi.

Jedel-izdestirý sharalaryn júrgizgen polıtsııa qyzmetkerleri kúdiktini qolǵa túsirdi. Ol 25 jastaǵy jergilikti turǵyn bolyp shyqty. Atalǵan fakti boıynsha QR QK-niń 190-baby 3-bóligine (Alaıaqtyq) sáıkes sotqa deıingi tergeý amaldary bastaldy.

Eske salsaq, osyǵan deıin birneshe qalada zergerlik buıymdar urlaǵan eki azamat Semeıde ustalǵanyn habarlaǵan edik. https://kaz.inform.kz/news/birneshe-kalada-zergerlik-buyymdar-urlagan-eki-azamat-semeyde-ustaldy_a3983193