Óskemende ústine opyrylǵan úıindiniń astynda bir apta jatqan qarııa aman qaldy
ÓSKEMEN. QazAqparat – Óskemen turǵyny opyrylǵan jer úı tóbesi úıindisiniń astynda bir apta jatyp, tiri qaldy, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, 22 qarasha kúni qutqarýshylarǵa qońyraý shalǵan er adam kórshisiniń talaı kúnnen beri úıden shyqpaı ketkenin aıtyp habar berdi.
Oqıǵa ornyna jedel-qutqarý jasaǵy men órt sóndirý bóliminiń qyzmetkerleri kelip jetken.
«Belgili bolǵandaı, jer úıdiń tóbesi opyrylyp túsip, 71 jastaǵy zeınetker úıindiniń astynda qalǵan. Ornynan tura almaǵan ol shamamen bir apta jatqandyǵyn aıtty. Qutqarýshylar qart kisini jedel járdem dárigerlerine tapsyrdy», - dep habarlady vedomstvo ókilderi.
Dárigerlerdiń alǵashqy kómeginen keıin azamat aýrýhanaǵa jatqyzyldy.
