Óskemende úskirik aıazda tońyp qalǵan úki qutqaryldy
ÓSKEMEN. QazAqparat - Óskemen turǵyndary úskirik aıazda tońyp qalǵan úkini qutqardy, dep habarlaıdy QazAqparat.
«Dvorıanın» janýarlardy qorǵaý qoǵamdyq qorynyń málimetinshe, eki kún buryn qala turǵyndary kósheden denesine muz qata bastaǵan úkini taýyp alǵan.
Olar qusty jyly boksqa jatqyzyp, jylytqan. Sodan keıin qaıtadan tabıǵatqa ushyryp jibermek bolǵan.
Alaıda qus eshqaıda ushyp ketpegen.
Qoǵamdyq qor úkini tapsyrý úshin orman sharýashylyǵy jáne janýarlar álemi ınspektsııasyna habarlasýdy kózdep otyr.
«Qazir dalada saryshunaq aıaz, mundaı kezde ıesiz janýarlardyń adam kómeginsiz aman qalýy óte qıyn. Bul sýyqtan qaraýsyz úı janýarlary ǵana emes, jabaıy tabıǵattaǵy ań-qustar da zardap shegip otyr» dep atap ótti «Dvorıanın» qoǵamdyq qorynyń ókilderi.
